Məhəmmədəli Hüseynzadə 1760 – cı ildə Salyanda doğulmuşdur.Salyan və
Gəncə şəhərlərində ibtidai dini təhsil almış, 1790-cı ildə İraqa
getmiş, Bağdad Universitetinin ilahiyyat və tarix fakultələrini
bitirmişdi.
12 il İraqda təhsil aldıqdan sonra Tiflisə gələn Məhəmmədəli
Hüseynzadə Tiflisin şah Abbas məscidinə rəis və baş axund seçilir. Uzun
illər bu vəzifədə işləməklə təkcə Tiflisdə deyil, Şərqi və Qərbi
Azərbaycan, Borçalı və Dağıstan əyalətlərində də böyük nüfuz sahibinə
çevrilir.
1813-cü il Türkmənçay müqaviləsindən sonra Azərbaycanın şimal
hissəsini öz təsir dairəsinə ala çar Rusiyası Qafqazda dini məsələləri
öz nəzarətində saxlamaq məqsədilə 1823 – cü ildə şiə təriqətinə başçı
kimi şeyxülislam, 1832 – ci ildə isə sünni təriqətinə başçı kimi müfti
vəzifəsini təsis etdi.Elə həmin il öz dövrünün ən böyük din
xadimlərindən sayılan Axund Məhəmmədəli Hüseynzadə Qafqaz canişininin
fərmanı ilə Şeyxülislam təyin edildi.
1828-ci ilin Türkmənçay müqaviləsinə qədər Şeyxülislam vəzifəsi
bir qayda olaraq Tiflis məscidinin axunduna həvalə olunurdu və məmurlar
onu başqa – başqa adlarla çağırırdılar.Axund Məhəmmədəli Hüseynzadəyə
həm "Tiflis tatar axundu”, həm "Gürcüstanın müsəlman ruhanilərinin
rəhbəri ”, həm də "Qafqaz Şeyxülislamı ” kimi müraciət edirdilər.
Tanınmış din xadimi,Azərbaycanın İslam alimlərindən olan
Məhəmmədəli Hüseynzadə 1852 – ci ildə vəfat etmiş, Tiflisin müsəlman
qəbiristanlığında dəfn edilmişdir.
Cəmi: 17 
Ay ərzində: 0 
Administratorlar: 1 
Moderatorlar: 
Yoxlanilanlar: 0 
İstifadəçilər: 12 
Qadınlar: 4
