Tarix Diyarşünaslıq Muzeyi 1981 – ci il yanvar ayının 10- dan fəaliyyət göstərir.
08 noyabr 1991-ci il tarixindən Azərbaycan Nazirlər Kabinetinin
371 № - li qərarına əsasən Salyan rayon Tarix Diyarşünaslıq Muzeyi
görkəmli mütəfəkkir,ictimai xadim ,şair,nasir,həkim və tərcüməçi Əlibəy
Hüseynzadənin adını daşıyır.
Muzey 2 mərtəbədən ,2 foyedən , 5 zaldan ibarətdir.
I foyedə - Əli bəy Hüseynzadənin həyat və fəaliyyətindən bəhs edən materiallar toplanıb.Rəsm əsərləri münayiş etdirilir. I zal – IX- XIX əsrlərə aid eksponatlar nümayiş olunur. II foyedə - Salyanın görkəmli şəxsiyyətlərinin şəklləri və şəxsi əşyaları nümayiş etdirilir. II zal – 1918 - 1920 –ci illəri əhatə edən
Azərbaycan Xalq Cümhurəyyətinin yaranması və onun süqutunu əks etdirən
fotoşəkillər nümayiş etdirilir. III zal - 1920-1941- ci illəri əhatə edən savadsızlığın ləğvi, kalxoz və savxozların yaranmasından behs edir. IV zal – 1941- 1993 –cü illəri əhatə edən ,müharibələri əks etdirən stendlər və müharibə iştirakçılarının şəkilləri nümayiş olunur.
V zal – Mərhum Prezidentimiz,Ümummilli Liderimiz Heydər Əliyevin həyat və fəaliyyətini əks etdirən şəkillər nümayiş etdirilir.
I Foye
Əlibəy Hüseyzadənin büstü
Ə.Hüseynzadə qohumları ilə birgə şəkilləri, məqalə və yazılar.
Şeyxülislam Əhməd Salyani
Ə.Hüseynzadənin babası.
"Həyat" qəzetinin 1-ci nüsxəsi 1904-cü ildə dərc olunub.
I Zal
Zalın ümumi görünüşü
Bu qablar gündəlik məişətdə istifadə edilib.
Bunlardan su gətirmək üçün farş, badya, dolça, qulplu aşsüzən, satıl,
cam, samavar, abgərdan, kasa, çölmək, qazan, tava və s. əşyalar
daxildir.
Cəhrə və yun daramaq üçün daraq
Çini qablar
VI-VII əsrlərə aid gil qablar. nehrə, küp, su dolçaları, gil çıraqları.
XII-XIII əsrə məxsus boyalı qab qırıntıları. Şirli qablar.
Körük-mis qabları qalaylamaq üçün.
XIX-əsrə aid mis və kağız pullar
Şamdanlar, küçə fənəri, ləpə üyütmək üçün qab, məişət əşyaları.
Qədim geyim əşyaları
Salyanın qədim adət-ənənələrini əks etdirən tablo
Muğan təbiətini əks etdirən güşə
Foye II
Salyan rayonunun tanınmış ziyalıları, şairləri, aşıqları, ictimai xadimləri yerləşdirilmişdir.
II Zal
Məmmədəmin Rəsulzadə. Xalq Cümhurriyyətinin yaranması və süqutu haqqında.
III Zal
1920-1941- ci illəri əhatə edən savadsızlığın ləğvi, kalxoz və savxozların yaranmasından behs edir.
IV Zal
1990-1993-cü illərdə Şəhid olmuş insanların şəkil və əşyalarından.
V Zal
Ümummilli Lider Heydər Əliyevin həyat və fəaliyyətini əks etdirən şəkillər və kitablar..
Ehtimal olunur ki, buradakı tapıntılar 1918-ci ildə Erməni soyqırımı zamanı şəhid olanların məzarlarıdır.
Kürsəngə arxeoloji abidələri
Salyan şəhərindən 30 km şimal şərqdə yerləşən "Kürün səngidiyi
yer” mənasını verən Kürsəngə, hündürlüyü 77 metrə çatan Cənub - Şərqi
Şirvan düzündə ən iri palçıq vulkanıdır. Vaxtı ilə Kür çayının bu
təpənin yaxınlığından keçməsi burada insanların məskunlaşmasına səbəb
olmuşdur. Təpənin şərqində və cənubunda çox sayda yer üzərində
qalaqlanmış kərpic qırıqları və yaxud 5-6 m. diametrli 23 x 23 x 5
ölçüdə qırmızı və açıq sarı rəngli bişmiş kərpicdən tikili qalıqları
mövcuddur. Həmin ərazilərdə şirli və şirsiz qab parçalarına rast
gəlinir. Buda onu göstərir ki, bu ərazidə böyük yaşayış yeri mövcud
olmuşdur.
Təpənin cənubunda əhəng daşından qəbr daşlarının parçalarına rast
gəlinir.Daş parçalarının üzərində süls xətti ilə ərəbcə yazılar və
nəbati ornamentlər həkk olunub.Hal-hazırda təpənin üstündə kənd
qəbrstanlığı yerləşir.Qəbrstanlıqda XVIII, XIX, XX əsrlərə aid olan
qəbrlərin başdaşı və sənduqələri üzərindəki kitabələr kənd əhlisinin
tarixi keçmişini, adət-ənənəsini qoruyub saxlamasının bariz
nümunəsidir.
Kənd əhalisinin bildirdiyinə görə bu ərazidə qəbr qazılarkən
tuncdan hazırlanmış bəzək əşyaları ilə birgə dəfn olunmuş sümüklər
çıxır.Buda bu ərazidə eramızdan əvvəl də yaşayışın olduğunu
göstərir.Tarix və mədəniyyətimizi özündə əks etdirən abidələrimizi
qorumaq hər bir vətəndaşın borcudur.
Qırxçıraqda aparılmış arxeoloji qazıntılar
Burada 1960-cı illərdən 2001-ci ilə kimi fasilələrlə qazıntı
işləri aparılmışdır. Arxeoloji araşdırmalar göstərir ki, yaşayış yeri
(sahəsi 16km2) Mahmudabad şəhərinin qalığıdır. Burada arxeoloji
axtarışlar aparılmaqla bu şəhərin XIV-XVI əsrlərdə iqtisadi-mədəni
həyatının mövcudluğu sübut edilmişdir. Qazıtılar zamanı 12-14 əsrlərə
aid şirli və şirsiz, saxsı məmulatlar, xəncər tiyəsi, Cəlairilər,
Elxanilər, Qıxıl Orda xanları, Qaraqoyunlulara aid sikkələr
tapılmışdır.
Məscidi Abdulsəməd hicri qəməri tarixi ilə 1323,
miladi 1903 ci ildə inşa etdirib . Məscid Təvəkkül Sultanov və Təbriz
Xəlilbəyli küçələrinin tinində yerləşir.
Cümə məscidi
1865-ci ildə Usta Kəlbəlayi Hacı Mehdinin oğlu Ağa
Hüseyinin adına tikdirmişdir. Hal-hazırda mısciddə əsaslı təmir işləri
aparılır. Məscid H.Əliyev küçəsində yerləşir.
Hacı Tağı Məscidi
Hacı Tağı Məscidi hicri qəməri tarixi ilə 1327, miladi tarixi ilə 1907-ci ildə inşa etdirib.
Hacı Tağının evi
Bina 19-cu əsrin əvvəllərində Hacı Tağının atası tərəfindən inşa etdirilib. Bina Mirzağa Quluzadə küçəsində yerləşir.
Sarı Seyidan piri
Türbə 1721-ci ildə şəhid olmuş Seyid Saləddinin məzarı üzərində inşa olunub.
Milyonçu Mirxalıq Abdullayevin evi
1913-cü ildə inşa olunub. Tikintidə istifadə edilən daşlar Qarabağ dağlarından kəsilib.
Tacir Abbas Hüseynovun evi
Bina 1914-cü ildə inşa etdirilib. Salyan şəhər Əliağa Kürçaylı küçəsində yerləşir.
1 banka qatığa 3 ədəd
xiyar xırda doğranılır, şüyüd doğranılır, çörək doğranılıb əlavə olunur
və qarışdırılır.
Balıq buğlaması
Tərkibi: 1 kq balıq,1dəstə şüyüd,bir dəstə göy soğan, 1dəstə keşniş, 1 dəstə kəvər.
Hazırlanması
Balıq tikələrə bölünür və
tavaya yığılır.Üzərinə xırda doğranmış göyərtilər əlavə olunur. 2
xörək qaşığı qatıq çalınır, duz, istiot, 1 xörək qaşığı sirkə əlavə
olunub vam istilikdə bişirilir.
Səbzi qovurma
Tərkibi: 1kq qoyun əti, 2 ədəd baş soğan, şüyüd, keşniş (səbzi), göy soğan,kəvər.
Hazırlanması
Ət tikələrə bölünüb, qaynadılır.Bişməyinə
15 dəqiqə qalmış ət sudan çıxarılır. Soğan doğranılıb, yağda
qovrulur.Qovrulan zaman ət əlavə olunur, üzərinə xırda doğranmış
göyərtilər, duz, istiot vurulub, qovrulur. Sonra ətin bulyanu ətin
üzərinə əlavə olunur. Yemək qaynara düşən zaman yemək hazır olur.
Səbzi qovurma süfrəyə qatıqla verilir.
Cücə çığırtması
Tərkibi: 1 ədəd cücə, 3 ədəd baş soğan, 7 ədəd yumurta, duz, istiot, limon cövhəri, sarıkök.
Hazırlanması
Cücə doğranır, tavaya yığılır və
ağzı bağlanır.Öz buğunda bir az bişirilir.Suyu çəkilən zaman doğranmış
soğanla birlikdə qovrulur.Tam qovrulduqdan sonra yumurta çalınıb,
vurulur.Qovurarkən duz, istiot, sarıkök,limin cövhəri vurulur.
Balıq doldurması
Tərkibi: 1 ədəd xəşəm balığı,300qr kişmiş, 300qr qaysı qurusu, 300qr qoz,1 ədəd soğan.
Hazırlanması
Balıq təmizlənir.Qarnı açılır,
təmizlənir.Soğan xırda doğranılır, yağda qovrulur.Kişmiş,doğranmış
qaysı və qoz soğanın üzərinə əlavə olunub qarışdırılır.
Balığın qarnı bir az duzlanır,
hazırlanmış içlik qoyulur və balığın qarnı tikilir, sonra balığın
quyruğu ilə başı maili istiqamətdə tikilir.
Balığın üzərinə tomat pastası çəkilir, listə qoyulub sobada bişirilir.
Narnumuru
Tərkibi: 2 ədəd baş soğan, 2 ədəd nar, 4 yumurta, duz, istiot.
Hazırlanması
Soğan doğranılır,qovrulur. Üzərinə dənələnmiş nar əlavə olunur,
qovrulur.Suyu çəkilib yağa düşdükdə yumurta bütöv üzərinə vurulur,vam
istilikdə bişirilir.
Şor balıq
Tərkibi: 1 kq duza qoyulmuş balıq, 2 ədəd soğan, 3 ədəd
pomidor,350 qr alça (göyəm,zoğal,turş nar), duz, istiot, giləmirzə və nanə,2 xörək qaşığı duru yağ.
Hazırlanması
Duza qoyulmuş balıq yuyulur və suda
saxlanılır.2-3 saat ərzində suyu dəyişilir.Soğan doğranılır, duru yağda
qovrulur,alça doğranılır, pomidor doğranılır, soğanın üzərinə əlavə
olunur.Sonra duz,istiot zövqə görə, giləmirzə və nanə vurulub
qarışdırılır.Parça üzərinə əncir yarpağı yuyulur düzülür.Balıq üzərinə
qoyulur və qarışıq əlavə olunub bükülür.Qazana su əlavə olunur, dəmir
sizgəc qazana qoyulur,balıq süzgəcə qoyulur,qazanın ağzı bərk
bağlanır,buğda bişirilir.
Balığı qarpız, qatıq və yaxud xüsusi hazırlanmış doğramacla süfrəyə vermək olar
İçkilər
Ovşala
Tərkibi: 1 litr suya 6x/q şəkər tozu, 4x/q araqnanə əlavə olunub qarışdırılır.
Araqnanənin hazırlanması:Böyuk mis qazan
götürülür.2-3 dəstə göy nanə(ancaq cöplərindəndə istifadə edilə bilər)
qazana düzülür üzərinə üzüm sirkəsi əlavə olunur.Sirkə nanənin üzərini
örtməlidir.Qazanın ortasına kasa qoyulur.Qazanın agzına isə dərin qab
qoyulur(qabın ətrafı parca ilə örtülürki içinə hava keçməsin).Qazanın
ağzına qoyulan qabın içinə su tökülür və qazan vam odun üstünə
qoyulur.Qabın içinə tökülən su tez-tez yoxlanılır,əgər su qızıbsa
dəyişilib soyuq su ilə əvəz olunur.Arabir qab götürülüb qazana baxılır
və kasanın içində araqnanə adlanan maye əmələ gəlir.Kasa dolarsa
mayenin kasanın içindən götürüb şüşə balona(butulkaya) boşaltmaq
lazımdır.Qazanda sirkə bitincə araqnanənin hazırlanması davam edir.
Şirniyyatı
Nabat
Tərkibi
1 kq toz - şəkər, 1st su, yeyinti boyağı (çəhrayı, sarı).
Hazırlanması
Nabat hazırlamaq üçün xüsusi dəmir forma yağlanır,
onun tutumundan asılı olaraq 1 kq-dan 7 kq-a qədər toz –şəkər
götürülür,hər kiloqram şəkərə 1 st su əlavaə edilib qaynadılır, kəfi
yığılır və yumşaq karamel nümunəsinə kimi bişirilib qaynar-qaynar
formaya tökülür və üzərinə vanil vurulur.70-800C tempuraturda
soyudulur.Karamel kütləsi bir qədər övkələnir, dartılır və baton
şəkilində kəsilir.
Qeyd: Zövqdən aslı olaraq nabat rəgli də ola biler.Bu zaman
hazırlanmış karamele yeyinti boyağı əlavə edib və istədiyin formaya
salmaq olar.
Ovçu insaf eylə keçmə bu düzdən O çöllər qızını ayırma bizdən Qoyma ağrı keçə ürəyimizdən Qoyma öz qanına boyana ceyran Nə gözəl yaraşır Muğana ceyran!
Səməd Vurğun
Salyan rayonunda ərazisi 51529 hektar olan Şirvan
Milli Parkı, ərazisi 4208 hektar olan Şirvan Dövlət Təbiət Qoruğu və
ərazisi 530 hektar olan meşə zolaqları mövcuddur.
Şirvan Milli Parkı Azərbaycan Respublikası Prezidentinin 2003-cü
il 05 iyul tarixli 1298 nömrəli sərəncamı ilə Bakı şəhərinin
Qaradağ,Salyan və Netçala rayonlarının inzibati ərazilərinin 54373,5
hektarında yaradılmışdır.
Ölkəmizdə rayon ərazisində ilk dəfə yaradılmış Şirvan Milli
Parkında mühafizə olunan ceyran və quşların yaşamasında ərazinin
biomüxtəlifliyi, florası, həmçinin bitki örtüyü mühüm əhəmiyyət kəsb
edir. Şirvan Milli Parkında məməli heyvanlardan ceyran, safsar, çöl
pişiyi, çaqqal, canavar, tülki, dovşan və sair vardır. Bundan başqa
parkda həşarat yeyənlər dəstəsindən ağdöş və qulaqlı kirpilər,
quldenşdet qonur dişli vardır. Yarasalar dəstəsindən itiqulaq, bığlı,
cırtdan və külli şəbpərələri, kiçik və böyük nalburunlar, ikirəng
könlücə, dağ könlücəsi və sair vardır. Gəmiricilər dəstəsindən ictimai
çöl sicanı, qara və boz siçovullar, qırmızı qumm siçanı, kiçik və asiya
ərəbdovşanları vardır.
Dovşankimilərdən boz dovşan, yırtıcılardan canavar, çaqqal,
tülkü, gəlincik, safsar, porsuq, qamışlıq pişiyi və çöl pişiyi vardır.
Kürəkayaqlılardan xəzər suitisi, cütdırnaqlılardan çöl donuzu və ceyran
məməlilərin əsasını təşkil edir.
Parkda 4 növ suda-quruda yaşayan heyvanlara rast gəlinir. Bunlar
Suriya sarımsaqiyli qurbağa, yaşıl quru qurbağası, kiçik asiya
qurbağası və göl qurbağacıqları qorunub saxlanılmaqdadır. Parkda
həmçinin 17 növ qorunub saxlanılan sürünən heyvanlar vardır. Bunlardan 3
növ tısbağa, 6 növ kərtənkələ və 8 növ ilanlardır. Tısbağalardan
Aralıqdənizi və quru tısbağası, bataqlıq və ya çay tısbağası mövcuddur.
Kərtənkələrdən Xəzər dekkonu, koramal, cəld kərtənkələ, rəngbərəng
kərtənkələcik, zərif ilanbaş kərtənkələ. İlanlardan Kor ilan, adi
suilanı, suilanı, zeytuni təlxə, qırmızı təlxə, xaltalı eyrenis, kələz
ilan, cənubi və qafqaz gürzəsi vardır. Şirvan Milli Parkında 230
biomüxtəliflik növdə quş qeydə alınmışdır. Bu zənginlik Milli Parkın
miqrasiya yolunda yerləşməsi və ərazisində quşların yaşayışı üçün
biotopların müxtəlifliyi ilə əlaqədardır. Milli Parkda quşların yaşayış
biotopları yovşanlı-şoranlı, yovşanlı-efemerli,
müxtəlifotlu-dənli-efemerli və digər bitki formasiyaları ilə örtülü
olan yarımsəhralardan, sahəsi 4000 ha olan Böyük və kiçik çala
(Qızılqaz qaz-Flaminqo) göllərin açıq su sahələrindən, qamış və
qarğılıqlardan, açıq bataqlıq sahələrindən, Xəzər dənizinin sahil
sularından, sahilində ensiz zolaq şəklində uzanmış laqunadan və nəmli
qumsallıqlardan ibarətdir.
Böyük və Kiçik Çala (Qızılqaz-Flaminqo) gölləri XX əsrin 50-ci
illərində Milli Parkın ərazisindən keçən Salyan su toplayıcı kanalının
yaranması nəticəsində əmələ gəlmiş və su bataqlıq quşların yaşayışı
üçün xüsusi əhəmiyyət kəsb etmişdir. Lakin 1990-cı illərin əvəllərindən
Salyan su toplayıcı (Yenikənd) kanalına suyun vurulmasının
dayandırılması ilə əlaqədar olaraq, göllərə su daxil olmaması, nəticədə
2000-ci ilədək onlar tamamilə qurumuşlar. 2002-ci ildə Dövlət
Ekologiya və Təbii Sərvətlər Nazirliyi tərəfindən göllərə suyun
vurulması bərpa edilmişdir. 2003-cü ilin yanvarında Böyük və Kiçik Çala
göllərində qızılqaz 2390, Xəzər dənizi sahil zolağında isə 4983 fərd
su-bataqlıq quşu qeydə alınmışdır.
QASIMOVA Xuraman Əkrəm qızı (d.6.6.1951, Bakı) - Azərb. müğənnisi. Azərb. Resp. xalq artisti (1986). Azərb. Dövlət mükafatı laureatı (1984). Azərb. Dövlət Konservatoriyasını bitirmişdir (1975). 1976 ildən Azərb. Opera və Balet Teatrının solistidir. Əsas partiyaları: Sevil və Dilbər ("Sevil", F.Əmirov), Nigar ("Koroğlu", Ü.Hacıbəyli), Mimi və Müzetta ("Bohema", C.Puççini), Dezdemona, Aida ("Otello", "Aida", C.Verdi), Tatyana ("Yevgeni Onegin", P.Çaykovski) və s. İfaçıların 5-ci Zaqafqaziya müsabiqəsinin (1977, I-ci mükafat), vokalistlərin M.Qlinka ad. 7-ci Ümumittifaq müsabiqəsinin (1977) və Mariya Kallas ad. Beynəlxalq müsabiqəsinin (Afina, 1981; həmçinin "Qran pri" qızıl medalına layiq görülmüşdür), eləcə də ifaçıların P.Çaykovski ad. 8-ci Beynəlxalq müsabiqəsinin (Moskva, 1982) laureatıdır. Kinofilmlərə çəkilmişdir ("Mən ki gözəl deyildim", "Həyat bizi sınayır"). 1982 ildən Bakı Musiqi Akademiyasında dərs deyir (1993 ildən solo oxumaq kafedrasının müdiri, 1996 ildən prof.). 1994 ildən İstanbul Dövlət Un-ti konservatoriyasının prof.-dur. Bir sıra xarici ölkələrdə (Bolqarıstan, Çexoslovakiya, Malta, Fransa, Avstriya, Norveç, Türkiyə, Finlandiya və s.) çıxış etmişdir. Azərb.-ın "Şöhrət" ordeni ilə təltif edilmişdir. Filmoqrafiya 1. Gələcəyin Qurucuları (1982) 2. Həyat Bizi Sınayır (1972) 3. Kədərimiz... Vüqarımız... (1998) 4. Kinorejissor Həsən Seyidbəyli (2002) 5. Maestro Niyazi (2007) 6. Mən ki Gözəl deyildim (1968) 7. Nəğməkar Torpaq (1981) 8. Qaraca Qız (1966)(Kinoalmanax) 9. Ürəkdən Ürəyə (2007) 10. Üzeyir Ömrü (1981) 11. Zəng (1995)
Fidan Əkrəm qızı Qasımova 1947-ci il iyun ayının 17-də Bakı şəhərində ziyalı ailəsində anadan olmuşdur.Hələ uşaq yaşlarından musiqi sənətinə, müğənniliyə böyük həvəs göstərən Fidan Qasımova ilk vokal təhsilini Bakı şəhərindəki Bülbül adına Musiqi məktəbində almışdır.daha sonra o, 1966-ci ildə Üzeyir Hacıbıyov adına Azərbaycan Dövlət Konservatoriyasının eyni zamanda iki şöbəsinə- simli alətlər və vokal siniflərinə daxil olur.Burada o professional musiqi nəzəriyyəçilərindən kamil təhsil alır,simli alətlər üzrə professor Sərvər Qəniyevin, vokal üzrə isə dosent İ.A.Lvovçin sinfində oxuyur.Fidan Qasımova 1971-ci ildə skripka simli alətləri,1972-ci ildə isə vokal sənəti üzrə ali təhsil alır.Bundan sonra o, 1972- 73-cü ilin iyulunda P.Çaykovski adına Moskva Dövlət Konservatoriyasının aspiranturasında təhsil alır. Qeyd etmək lazımdır ki, o, hələ tələbəlik illərində vokal müsabiqələrində fəal iştirak etmiş,1973-cü ildə cenevrədə keçirilən II Beynəlxalq müsabiqədə gümüş medala layiq görülmüş, 1975-ci ildə Hertogenbosda yenə də Beynəlxalq müsabiqədə diplomla mükafatlandırılmışdır.1974-cü ildən başlayaraq Fidan Qasımova Azərbaycan Dövlət opera və Balet teatrının baş solisti kimi milli və dünya opera sənətinin repertuarlarına daxil olan şedevr əsərlərdəki partiyaların mahir ifaçısı kimi şöhrət qazanmışdır.Fidan Qasımovaya 25 yaşında SSRİ xalq artisti, 26 yaşında isə professor adı verilmişdir. Resp. xalq artisti (1982), SSRİ xalq artisti (1988). Azərb. Resp. Dövlət mükafatı laureatı (1984). Azərb. Dövlət Konservatoriyasını (1971) və Moskva Konservatoriyasının aspiranturasını (1974) bitirmişdir. İsveçrə (1973, Cenevrə) və Niderlandda (1975, Hertogenbos) keçirilən beynəlxalq müsabiqələrin iştirakçısı, musiqiçilərin C.Viotti ad. müsabiqəsinin (1977, Verçelli ş., İtaliya; birinci mükafat) laureatıdır. Beynəlxalq müsabiqələr laureatı adına layiq görülmüş ilk azərb. qadın müğənnidir. 1974 ildən Azərb. Opera və Balet Teatrının solistidir. Partiyaları: Nigar ("Koroğlu", Ü.Hacıbəyli), Mikaela ("Karmen", J.Bize), Marqarita ("Faust", Ş.Quno), Mimi, Çio-Çio-san ("Bohema", "Çio-Çio-san", C.Puççini), Tatyana ("Yevgeni Onegin", P.Çaykovski), Dezdemona, Aida ("Otello", "Aida", C.Verdi), Sevil ("Sevil", F.Əmirov) və s. Repertuarına Azərb. (Ü.Hacıbəyli, A.Zeynallı, Q.Qarayev, A.Məlikov, Niyazi), rus (M.Qlinka, P.Çaykovski, S.Raxmaninov), Qərbi Avropa (A.Stradella, İ.S.Bax, G.F.Hendel və b.) bəstəkarlarının kamera-vokal əsərləri, eləcə də Azərb. xalq mahnıları ("Laçın", "Qubanın ağ alması", "Girdim yarın bağçasına", "Evləri var xana-xana" ve s.) daxildir. 1974 ildən Azərb. Dövlət Konservatoriyasında dərs deyir (1990 ildən prof."). 1992 ildən istanbul Dövlət Un-ti Konservatoriyasının prof.-dur. Xarici ölkələrdə (Çexoslovakiya, Almaniya, Danimarka, Portuqaliya, Belçika, Rumıniya, Hollandiya, Türkiyə və s.) qastrolda olmuşdur. Kinoda çəkilmişdir ("Torpaq. Dəniz. Od. Səma"). Azərb.-ın Şöhrət ordeni ilə təltif edilmişdir. • Müğənni Xuraman Qasımovanın bacısıdır. Filmoqrafiya 1. Kədərimiz... Vüqarımız... (1998) 2. Maestro Niyazi (2007) 3. Rəşid Behbudov 20 İl Əvvəl (1996) 4. Torpaq. Dəniz. Od. Səma (1967) 5. Üç Eskiz (1978) 6. Ürəkdən Ürəyə (2007) 7. Üzeyir Ömrü (1981)
Azadlığı istəmirəm,zərrə-zərrə qram-qram! Qolumdakı zəncirləri qıram gərək,qram,qıram Azadlığı istəmirəm bir həb kimi, dərman kimi, İstəyirəm səma kimi, günəş kimi, cahan kimi! Çəkil,çəkil ey qəsbkar, mən bu əsrin gur səsiyəm! Gərək deyil sısqa bulaq, mən ümmanlar təşnəsiyəm!